Tuesday, April 23, 2013

အမျိုးသားဒီမိုကရေစီအဖွဲ့ချုပ်ဥက္ကဌ ဒေါ်အောင်ဆန်းစုကြည်သို့ အိတ်ဖွင့်ပေးစာ



အကြောင်းအရာ။ အဖွဲ့ချုပ်ဥက္ကဌနှင့်တကွ NLD ပါတီဝင်များဂုဏ်ယူဝမ်းမြောက်စေမည့်

သတင်းပေးခြင်း

လှိုင်သာယာမြို့နယ် ၊ အမှတ်(၁၃)ရပ်ကွက်၊ ဂန္တ၀င်လမ်း ရှိ အိမ်အမှတ်၊ ၂၁၂-ခ သည်

ထောင့်အစွန်ကွက်ဖြစ်သဖြင့် စည်ပင်ပိုင်မြေပိုများမှ ၅ပေခန့်အား ကျော်လွန်ဆောက်လုပ်ထားခဲ့ရာ

ဥပဒေနှင့်မညီညွတ်သောကြောင့် အဖွဲ့ချုပ်၏လှိုင်သာယာစည်းရုံးရေးမှူး ဒေါ်မြတ်မာလာမှ

လက်ပိုက်ကြည့်မနေနိုင်ဘဲ မြို့နယ်စည်ပင်သာယာရုံးသို့ တိုင်ကြားခဲ့ပါသည်။NLD ပါတီစည်းရုံးရေးမှူး

ဒေါ်မြတ်မာလာမှ နိုင်ငံတော်အတွင်း တရားဥပဒေအတိုင်းလိုက်နာနေထိုင်မှုရှိစေရေး ရည်စူးကာ တိုင်ကြားချင်းဖြစ်ကြောင်း အိမ်နီးချင်းများမှ အိမ်ရှင်အားပြောကြားကြသဖြင့် အိမ်ရှင်၏သားဖြစ်သူမှ

“ ယခုကဲ့သို့တိုင်ကြားခြင်းသည် မည်သူ့အတွက်မှအကျိုးကျေးဇူးများမည်မထင်ကြောင်း၊ မိမိတို့မှာသာ

အလွန်ထိခိုက်နစ်နာသွားမည်ဖြစ်သဖြင့် ဖြစ်နိုင်ပါက တိုင်စာအားပြန်လည်ရုပ်သိမ်းပေးစေ လိုပါကြောင်း၊ အခြားသူများလည်း ယခင်ကတည်းက မိမိတို့ကဲ့သို့ ကျူးကျော်ဆောက်လုပ် ထားခြင်းများရှိသဖြင့် မိမိတစ်ဦးတည်းသာကွက် ဒုက္ခပေးသလိုဖြစ်နေပါကြောင်း ၊ မိမိတို့နှင့် ဒေါ်မြတ်မာလာတို့ကြားထဲတွင် ရန်ငြိုးရန်စ၊ စကားပြောအဆင်မပြေမှုစသည်တို့လုံးဝမရှိခဲ့ပါသဖြင့်

ဖြစ်နိုင်ပါက တိုင်စာအားပြန်လည်ရုပ်သိမ်းပေးစေလိုပါကြောင်း “ အမျိုးမျိုးတောင်းပန်ခဲ့ပါသည်။

သို့သော်လည်း အမျိုးသားဒီမိုကရေစီအဖွဲ့ချုပ်ဥက္ကဌ၊ လှိုင်သာယာစည်းရုံးရေးမှူး

ဒေါ်မြတ်မာလာမှ “ မိမိ၏တိုင်စာအား မည်သည့်အကြောင်းနှင့်မှ လုံးဝပြန်လည်ရုပ်သိမ်းပေးမည် မဟုတ်ကြောင်း ၊ အကယ်í မြို့နယ်စည်ပင်သာယာရုံးမှ အရေးယူဆောင်ရွက်မှုမရှိပါက မြို့တော်ဝန်ရုံး အထိ ဆက်လက်တိုင်ကြားသွားမည်ဖြစ်ကြောင်း ၊ အခြားကျူးကျော်ဆောက်လုပ်နေထိုင်သူများကိုတော့ မိမိမှတိုင်ကြားသွားမည်မဟုတ်သော်လည်း

တစ်ယောက်တည်းအရေးယူခံရခြင်းမဖြစ်စေလိုလျှင် အခြားသူများကိုတိုင်နိုင်ကြောင်း” စသဖြင့်

စည်းရုံးရေးမှူး ပီသစွာ စည်းရုံးပြောဆိုခဲ့ပါသည်။

ထို့ကြောင့် စည်ပင်ရုံးမှာလည်းအရေးမယူဘဲမနေရဲတော့ပဲ အိမ်အားပြန်ဖျက်ရန်၊ မဖျက်ပါက

ဥပဒေအရဆက်လက်ဆောင်ရွက်လျှင် ဒဏ်ငွေ ၅သောင်းရိုက်ခံရမည်ဖြစ်ပြီး နေ့စဉ် ဒဏ်ငွေ

၁သောင်း ပေးဆောင်ရမည်ဖြစ်သဖြင့် ပိုဆိုးမည်ဖြစ်သောကြောင့် အိမ်ကိုအမြန်ဆုံးဖျက်ရန်

အင်းစိန်စည်ပင်ရုံးသို့ခေါ်ယူပြောဆိုခဲ့ရာ အိမ်ရှင်မှဖျက်ပါမည်ဟု (ယနေ့ ၂၈-၃-၂၀၁၃ရက်နေ့တွင်) ကတိပေးပြီး ဒဏ်ငွေ၃သောင်းပေးဆောင်ခဲ့ရပါသည်။

သို့ဖြစ်ပါ်í အတိုက်အခံပါတီဝင်ဘ၀ကတည်းက ၄င်း၏စည်းရုံးရေးနယ်မြေအတွင်း

(မလိုအပ်သော်လည်း) ကွက်ကြားဒုက္ခမိုး ရွာသွန်းဖြိုးစေခဲ့သော ၊ အကယ်í အာဏာရပါတီဝင်သာ

ဖြစ်ပါက ၄င်းပိုင်နယ်မြေတစ်ခုလုံး ဒုက္ခမိုးဖြိုင်ဖြိုင်ရွာသွန်းစေနိုင်သော အမျိုးသားဒီမိုကရေစီအဖွဲ့ချုပ် ဥက္ကဌ၊ လှိုင်သာယာစည်းရုံးရေးမှူး ဒေါ်မြတ်မာလာ ၏ ဂုဏ်ယူဖွယ်လုပ်ရပ်အား ပြည်သူတို့လေးစားချစ်ခင်ရပါသော အမေစုနှင့်တကွ NLD ပါတီဝင်များ အားရ၀မ်းသာ ဂုဏ်ယူ

ဝင့်ကြွားနိုင်စေရန် သတင်းကြားလျှင်ကြားချင်း ချက်ချင်း ရေးသားတင်ပြလိုက်ရပါသည်ခင်ဗျား။





အထက်ပါအဖြစ်အပျက်များမှာ ယခုလက်ရှိဖြစ်ပွားနေသော အမှန်တကယ်အဖြစ်မှန်များသာ ဖြစ်ပြီး အသေးစိတ်သိရှိလိုပါက မှတ်ပုံတင်အမှတ်၊ ၈/တတက(နိုင်)၁၀၇၀၉၃ ကိုင်ဆောင်သူ ကျွန်တော် အောင်လှိုင်မြင့်ထွန်း ၊ ဖုန်းနံပါတ် 09420025874 သို့ဆက်သွယ်စုံစမ်းမေးမြန်း နိုင်ပါကြောင်းနှင့်BBC, VOA , RFA စသည့် သတင်းဌာနများမှ သတင်းထောက်များလည်းဆက်သွယ်မေးမြန်းနိုင်ပါကြောင်း ၊ မိမိမှာ NLD ပါတီဝင်တစ်ဦး၏ နိုင်ငံအကျိုးသယ်ပိုးမှုကို ဂုဏ်ယူဝင့်ကြွားစွာ ပြောကြားလိုပါသော်လည်း အဆက်အသွယ်မရှိသဖြင့် အခက်အခဲရှိနေပါကြောင်း လေးစားစွာ အသိပေးတင်ပြအပ်ပါသည်။

No comments:

Post a Comment